WhatsApp Update: ಬ್ಯಾಟರಿ ತಿನ್ನುತ್ತಿದೆ ಹೊಸ ಅಪ್ಡೇಟ್...!

ವಾಟ್ಸಪ್ ಹೊಸ ಹೊಸ ಅಪ್ಡೇಟ್ಗಳನ್ನು ಕಾಲಕಾಲಕ್ಕೆ ಬಿಡುಗಡೆ ಮಾಡುತ್ತಿರುತ್ತದೆ. ಈ ಬಾರಿ ವಾಟ್ಸಪ್ ಬಿಡುಗಡೆ ಮಾಡಿರುವ ಹೊಸ ಆವೃತ್ತಿ ಶವೋಮಿ ಫೋನ್ ಬಳಕೆದಾರರಿಗೆ ಸಮಸ್ಯೆ ತಂದೊಡ್ಡಿದೆ ಎನ್ನಲಾಗಿದೆ. ವಾಟ್ಸಪ್ ಇತ್ತೀಚೆಗೆ ಆಂಡ್ರಾಯ್ಡ್ ಸ್ಮಾರ್ಟ್ಫೋನ್ಗಳಿಗೆ ಹೊಸ ಅಪ್ಡೇಟ್ ಒಂದನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಗ್ರೂಪ್ ಸೇರ್ಪಡೆ ಕುರಿತಂತೆ ವಿವಿಧ ಸೆಟ್ಟಿಂಗ್ಸ್ಗಳನ್ನು ಪರಿಚಯಿಸಲಾಗಿದೆ. ಆದರೆ ನೂತನ ಅಪ್ಡೇಟ್ ಇನ್ಸ್ಟಾಲ್ ಮಾಡಿದ ಬಳಿಕ ಬ್ಯಾಟರಿ ಬೇಗನೆ ಖಾಲಿಯಾಗುತ್ತಿದೆ ಎಂದು ಹಲವು ಒನ್ಪ್ಲಸ್ ಮತ್ತು ಶವೋಮಿ ಬಳಕೆದಾರರು ದೂರಿದ್ದಾರೆ. ವಾಟ್ಸಪ್ 2.19.308 ಆವೃತ್ತಿ ಬಳಸುತ್ತಿರುವ ಶವೋಮಿ ಮತ್ತು ಒನ್ಪ್ಲಸ್ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಈ ಸಮಸ್ಯೆ ಕಾಣಿಸಿಕೊಂಡಿದೆ. ಆದರೆ ಈ ಕುರಿತು ಒನ್ಪ್ಲಸ್ ಅಥವಾ ಶವೋಮಿ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಬಳಕೆದಾರರು ಮಾತ್ರ ಬ್ಯಾಟರಿ ಬಗ್ ಸಮಸ್ಯೆ ಸೃಷ್ಟಿಸುತ್ತಿದ್ದು, ಬಹಳ ಬೇಗನೆ ಖಾಲಿಯಾಗುತ್ತಿದೆ ಎಂದು ದೂರಿದ್ದಾರೆ. " ಒನ್ಪ್ಲಸ್ ಫೋನ್ ಬಳಕೆದಾರರಿಗೆ ಸಮಸ್ಯೆ " : ಆಂಡ್ರಾಯ್ಡ್ 9 ಪೈ ಮತ್ತು ಅಂಡ್ರಾಯ್ಡ್ 10 ಬಳಕೆದಾರರಿಗೆ ಕೂಡ ಈ ಸಮಸ್ಯೆ ಕಾಣಿಸಿಕೊಂಡಿದ್ದು, ನೂತನ ಒನ್ಪ್ಲಸ್ 7T ಕೂಡ ಸಮಸ್ಯೆಗೆ ಸಿಲುಕಿದೆ ಎಂದಿದ್ದಾರೆ. ಈ ಕುರಿತು ಒನ್ಪ್ಲಸ್ ಫೋರಂ, ರೆಡ್ಡಿಟ್ ಮತ್ತು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ಬಳಕೆದಾರರು...