ಏಕಕಾಲದಲ್ಲಿ ಹಲವು ಸಿಸ್ಟಮ್ಗಳಲ್ಲಿ ವಾಟ್ಸ್ಆ್ಯಪ್ನ ಒಂದೇ ಖಾತೆ ಬಳಸಬಹುದು!: ಹೊಸ ಫೀಚರ್ ಶೀಘ್ರ ಬಳಕೆಗೆ
ಹೊಸ ಫೀಚರ್ ಅಭಿವೃದ್ಧಿಯಲ್ಲಿ ವಾಟ್ಸ್ಆ್ಯಪ್ ತಲ್ಲೀನವಾಗಿರುವ ಸುದ್ದಿ ತಿಂಗಳುಗಳಿಂದ ಹರಿದಾಡುತ್ತಿದೆ. ಅದನ್ನೀಗ ವಾಟ್ಸ್ಆ್ಯಪ್ ಬೀಟಾ ಇನ್ಫರ್ಮೇಷನ್ ಖಚಿತಪಡಿಸಿದ್ದು, ಒಂದು ಖಾತೆಯನ್ನು ಹಲವು ಸಾಧನಗಳಲ್ಲಿ ಬಳಸಲು ಸಾಧ್ಯವಾಗುವ ಫೀಚರ್ ಅಭಿವೃದ್ಧಿ ಕಾರ್ಯ ನಡೆಯುತ್ತಿದೆ ಎಂದಿದೆ. ಹಲವು ಸಾಧನಗಳಲ್ಲಿ ಬಳಕೆಯಾದರೂ ಸಂದೇಶಗಳು ಸಂಪೂರ್ಣವಾಗಿ ಎಂಡ್ ಟು ಎಂಡ್ ಎನ್ಕ್ರಿಪ್ಟ್ ಆಗಿರುತ್ತವೆ ಎಂದು ಹೇಳಿದೆ.
ಹೊಸ ಫೀಚರ್ನಿಂದ ಒಂದೇ ವಾಟ್ಸ್ಆ್ಯಪ್ ಅಕೌಂಟ್ಅನ್ನು ಎರಡಕ್ಕಿಂತ ಹೆಚ್ಚು ಸಾಧನಗಳಲ್ಲಿ ಬಳಸಬಹುದು. ಉದಾಹರಣೆಗೆ ಐಫೋನ್ ಮತ್ತು ಐಪ್ಯಾಡ್ನಲ್ಲಿ ಅಥವಾ ಯಾವುದಾದರು ಎರಡು ಮೊಬೈಲ್ಗಳಲ್ಲಿ ಏಕಕಾಲದಲ್ಲಿ ಒಂದೇ ವಾಟ್ಸ್ಆ್ಯಪ್ ಅಕೌಂಟ್ ಬಳಸಬಹುದು. ಪ್ರಸ್ತುತ ಡೆಸ್ಕ್ಟಾಪ್ನಲ್ಲಿ ವಾಟ್ಸ್ಆ್ಯಪ್ ವೆಬ್ ಮತ್ತು ಸ್ಮಾರ್ಟ್ ಫೋನ್ನಲ್ಲಿ ಬಳಕೆಗೆ ಅವಕಾಶಕಲ್ಪಿಸಿದೆ.
ಹೊಸ ಫೀಚರ್ ಅಭಿವೃದ್ಧಿ ಹಂತದಲ್ಲಿದ್ದು, ಯಾವಾಗ ಬಳಕೆಗೆ ಸಿಗಲಿದೆ ಎಂಬುದು ಸ್ಪಷ್ಟವಾಗಿಲ್ಲ.ಹೊಸ ಫೀಚರ್ ಹೇಗಿರಲಿದೆ ಎಂಬ ಸ್ಕ್ರೀನ್ಶಾಟ್ಗಳನ್ನು ಮುಂದಿನ ವಾರಗಳಲ್ಲಿ ವಾಟ್ಸ್ಆ್ಯಪ್ ಬೀಟಾ ಇನ್ಫರ್ಮೇಷನ್ ಶೇರ್ ಮಾಡಲಿದೆ ಎಂದು ಹೇಳಲಾಗುತ್ತಿದೆ.
ಕ್ಲೌಡ್ ಬೇಸ್ಡ್ ಮೆಸೆಂಜಿಂಗ್ ಆ್ಯಪ್ ಆಗಿರುವ ಟೆಲಿಗ್ರಾಮ್ ಈ ಫೀಚರ್ ಅನ್ನು ಹಲವು ತಿಂಗಳುಗಳ ಹಿಂದೆಯೇ ಕಲ್ಪಿಸಿದೆ.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್ ಮಾಡಿ